monumenta.ch > Plinius > sectio 226

Word Selection for Searching

Report an Error in this Sectio
Plinius, Naturalis Historia, 28, 226
{LXIII} quidam urinam aquae ferrariae ex officinis miscent eademque potione et lymphatis medentur. comitialibus datur et lactis equini potus, lichen equi in aceto mulso bibendus; dantur et carnes caprinae in rogo hominis tostae, ut volunt Magi, sebum earum cum felle taurino pari pondere decoctum et in folliculo fellis reconditum ita, ne terram attingat, potum vero ex aqua sublime. morbum ipsum deprehendit caprini cornus vel cervini usti nidor. - Sideratis urina pulli asinini nardo admixo perunctione prodesse dicitur.